ఒక్క ప్రాపర్టీని 25 మందికి విక్రయించి.. రూ.500 కోట్ల మోసం.. ఇల్లు కొనేముందు చూడాల్సిన 7 పత్రాలు ఇవే!

మీరు ఏదైనా ఇల్లు, భూమి కొనుగోలు చేస్తున్నారా ? అయితే తస్మాత్ జాగ్రత్త. గురుగ్రామ్‌లో ఇటీవలే వెలుగులోకి వచ్చిన ఓ భారీ కుంభకోణం కొనుగోలుదారుల్లో ఆందోళనలు పెంచింది. ఒకే ప్రాపర్టీని ఏకంగా 25 మందికి విక్రయించి రూ. 500 కోట్ల మోసానికి పాల్పడ్డారు. వారందరికీ రిజిస్ట్రేషన్ చేయడం గమనార్హం. మరి ఇల్లు లేదా భూమి కొనే ముందు చూడాల్సిన 7 కీలక డాక్యుమెంట్లను ఇప్పుడు మనం తెలుసుకుందాం.

హైలైట్:

రియల్ ఎస్టేట్ రంగంలో భారీ స్కామ్

ఒకే ప్రాపర్టీని 25 మందికి విక్రయం

ఎలాంటి డాక్యుమెంట్లు ఉండాలి?

దేశంలోని ప్రముఖ రియల్ ఎస్టేట్ హబ్స్‌లో ఒకటైన గురుగ్రామ్‌లో ఒక సంచలన మోసం వెలుగులోకి వచ్చింది. ప్రాపర్టీ ట్రాన్సాక్షన్లు, యాజమాన్య హక్కులను అందించే డాక్యుమెంట్లను పరిశీలంచాల్సిన అంశం మధ్య ఉన్న స్పష్టమైన వ్యత్యాసాన్ని ఈ కుంభకోణం సూచిస్తోంది.ఒకే కమెర్షియల్ ప్రాపర్టీని ఏకంగా 25 మందికి విక్రయించారు. ఈ స్కామ్ విలువ రూ.500 కోట్లుగా ఉంటుందని అంచనా. అందులో దాదాపు అందరు కొనుగోలుదారులు అగ్రిమెంట్లు, పేమెంట్ చేసిన రిసిప్టులు, రిజిస్టర్డ్ డాక్యుమెంట్లు వంటివి కలిగి ఉండడం గమనార్హం. ఇన్ని డాక్యుమెంట్లు ఉన్నప్పటికీ వారికి సదరు ప్రాపర్టీపై ఎలాంటి హక్కులు రాకపోవడం గమనార్హం. ఈ క్రమంలో ఏదైనా ప్రాపర్టీ, ఇల్లు, భూమి కొనుగోలు చేసేటప్పుడు పరిశీలించాల్సిన 7 ముఖ్యమైన పత్రాలు తెలుసుకుందాం.

గురుగ్రామ్‌లో ఏం జరిగింది?

32వ అవెన్యూ కమెర్షియల్ ప్రాజెక్ట్‌కులో ఈ మోసం జరిగినట్లు పలు నివేదికలు వెల్లడించాయి. ఆ ప్రాజెక్టు సీఈఓను 2026, ఫిబ్రవరిలో అరెస్ట్ చేసినట్లు తెలిపాయి. 3000 చదరపు అడుగుల విస్తీర్ణంలో గల కమెర్షియల్ ఫ్లోర్‌ను 2021 నుంచి 2023 మధ్య దాదాపు 25 మందికి విక్రయించినట్లు ఆరోపణలు ఉన్నాయి. నకిలీ అగ్రిమెంట్లు, తప్పుదోవ పట్టించేలా డాక్యుమెంట్లు సృష్టించడం వంటివి చేసి ఈ మోసానికి పాల్పడినట్లు సమాచారం. ఈ మోసంలో 25 మంది కొనుగోలుదారులు మోసపోయారు. అయితే, ఈ సంఖ్య మరింత పెరిగే అవకాశం ఉన్నట్లు అధికారులు చెబుతున్నారు.

రిజిస్ట్రేషన్ ఒక్కటే సరిపోదు

గురుగ్రామ్‌లో వెలుగు చూసిన మోసంతో ఒక ముఖ్యమైన లీగల్ క్వశ్చన్ ఎదురవుతోంది. ఎక్కువ మంది రిజిస్ట్రేషన్ చేయించుకుంటే ఎవరికి హక్కులు ఉంటాయి? అని. ప్రాపర్టీ చట్టం ప్రకారం మొదట ఎవరైతే రిజిస్టర్ చేసుకుంటారో వారికే ప్రాధాన్యం ఉంటుంది. అయితే, రిజిస్ట్రేషన్ ఒక్కటే సరిపోదు. అమలు తేదీ అత్యంత ప్రాముఖ్యత కలిగి ఉంటుంది. అంటే ముందుగా జరిగిన వాలిడ్ ట్రాన్సాక్షన్లు పరిగణనలోకి తీసుకుంటారు.

చూడాల్సిన 7 కీలక పత్రాలు ఇవే

ఓనర్‌షిప్‌ను సూచించే మదర్ డీడ్

సేల్ డీడ్స్‌కు సంబంధించిన అన్ని పత్రాలు

ఎన్‌కాంబ్రాన్స్ సర్టిఫికెట్

మ్యుటేషన్ రికార్డ్స్

ప్రాపర్టీ ట్యాక్స్ రికార్డ్స్

ఆమోదిత బిల్డింగ్ ప్లాన్, ఆక్యుపెన్సీ సర్టిఫికెట్

రేరా రిజిస్ట్రేషన్